Канон Рождества Пресвятыя Богородицы, глас 8.
Песнь 1
Ирмос: Сокрушившему брани мышцею Своею, и проведшему Израиля сквозе Чермное море, поим Ему, яко Избавителю нашему Богу: яко прославися.
Да ликовствует вся тварь, да веселится же и Давид: яко от колена и от семене его произыде Жезл, Цвет носящи Господа, Творца всяческих.
Святая святых, во святем святилищи Младенец возлагается воспитатися от руки ангеловы: вси убо верно спразднуим в Рождестве Ея.